Sale!!

大量陳列貨品左名望音響大減價中!

Please follow and like us:

Acoustic Harmony G1K

光看看她的直徑,已清楚明確地說道:不要惹我,我會令你現有的喇叭線難堪!!!

Acoustic Harmony G1K,我諗,K真係代表King!

足有G1Sophia 4倍咁粗!!!6N銅鍍4N銀,材料都要咁上下錢,日本產品一向都話材料十足,但聲就唔係人人啱聲,但我保證,呢對G1K係十足材料,但歐洲線咁既表現!

一般太粗既線,部機無返咁上下都唔會太敢用,因為都食左你部機一部份能量,G1K絕無呢個問題,仲覺得加左能量!

高音份量多,但一D都唔覺得有太有唔舒服既感覺,所以”拮”耳,唔會出現係G1K度!高音黎得好輕好滑又夠質感!

分隔度好厲害,樂器唔單止有前後位分,仲會有個別立體感,同我一齊試既果位師兄都感覺得到!中音唔會話特別厚,非常平衡,但很有穿透感,行到邊個位都覺得歌手係現場一樣!

低音唔想講,G1 同G1 Sophia時己講左好多次,而 G1K將之前我講既低音表現再加倍,厲害!!!

Please follow and like us:

LUXMAN LX-380 膽合拼!

Luxman LX-380

小弟極少拆開機影”內臟”相,因為一向都相信耳仔收貨,數據多數都只係參考用,而好多廠都將內臟美化,一定要內外都美觀,滿足一D用眼去買音響既朋友!

今次LX-380好奇怪,用四枝6L6,但聲音幼滑到小弟都有D驚,可以形容既比喻,一定係一個著住晚裝,高貴美麗又婀娜多姿既弱質美人,舉手投足無論任何角度都令人一看再看。但……實在太弱小,真係好需人男性好好去呵護!

我都係男人,仲要個樣都幾咸濕,今次有D好奇,真係想睇下呢個靚女既入面,反正都放左係度,新設計又容易拆開,任我魚肉,唔睇咪白唔睇,仲要比人話我係傻仔!

因為,4枝6L6,無力極都應有幾分力氣!

見到入面,雖然唔係全部”搭棚”,但整齊到好似屋企啱啱執乾淨個樣咁,兩隻輸出牛,無刻意去美化,但我覺得咁仲靚,見到Luxman出曬名既靚牛!跟住隻主要牛,比輸出牛大成倍有多,好靚!如果包住佢,真係浪費,亦明白點解好多廠都要包住隻牛!嘻嘻

睇完入面又睇下出面,見到個好多年都無用,亦可以話從來唔用既功能……Loudness !

細細個玩音響時,呢個功能好有用,樓上樓下大大聲播歌時,我就開呢個功能黎同你死過!中低不停打你心口,歌手用盡全身氣力大叫!不過如果聽歌,你會覺得呢個功能極極極難聽,粗聲粗氣仲粗手粗腳!

LX-380咁值得人寵愛,點解又會有呢個功能呢?

開黎聽聽,喂!!!頭先著住晚裝既靚女換左緊身便服,吸引度依然,又平易近人,唔使下下就住佢,又可以帶佢去茶餐廳食個炸雞脾沙律!

細細聲低頻都一浸浸黎,但絕對唔粗聲,情況有D似三極/五極一樣!

佢真係好鬼死可愛,著乜都咁靚,咁有曲線,咁得人鐘意!!

 
Please follow and like us: